ورد في ورق سلوفان يا حلو اهديلك وللا انقله بالطين في الشتلة واجيلك

من روائع رباعيات صلاح جاهين

ورد في ورق سلوفان يا حلوة اهديلك ؟

و الا انقله بالطين في الشتلة و اجيلـــــك

الأولاني لو وحا بحنــــــــــــــــــــــانــي

عجبي علي التاني بإيــــــــه يوحيلــــــــك

عجبي !!

يا وردة قلبي معاكي في الريح لعب

لا تعبتي م الريح و لا قلبي تعــــــــب

احنا كده : نرتاح في صخب الجنون

و في السكون بنخاف قوي و نترعب

عجبي !!!

 صوتك يا بنت الإيه كأنه بدن

يرقص يزيح الهم يمحي الشجن

يا حلوتي و بدنك كأنه كلام

كلام فلاسفه سكروا نسيوا الزمن

عجبي !!!!

عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!